"Maios de Redondela " é unha nova páxina que nos mostra as orixes desta festa. Aquí vos deixamos unha das súas entradas e un video moi interesante.
Mirar video Historia dos Maios
A festa dos maios de Redondela ten unha dilatada tradición no tempo. Son moitas as xeracións de veciños que cando nenos se entusiasmaron con ela formando parte dos numerosísimos grupos que traballaron na súa elaboración e mesmo na composición das coplas de inxeniosas críticas á institución ou aos personaxes populares de cadanseu tempo.
Tivo como todas as festas os seus momentos de esplendor e outros de decaemento. Xa que logo o Concello quere recuperar o entusiasmo de noutrora estimular a participación entre os rapaces e as organizacións sociais.
"Maios de Redondela" abre as súas portas para amosar ó que foi esta festa cun video producido hai vinte anos, e con fotografías que contaxien o entusiasmo para que as novas fornadas de nenos e nenas se incorporen a ela.
No hay comentarios:
Publicar un comentario