GOZA DAS LETRAS con Manquiña e o grupo Resonet

Día das Letras Galegas para toda a familia 17 de maio - 12:00 horas Biblioteca e Arquivo de Galicia

A Cidade da Cultura convida a gozar do Día das Letras galegas no alto de Gaiás da man do actor Manuel Manquiña e do grupo Resonet. Será unha dobre homenaxe ao escritor e autor teatral Roberto Vidal Bolaño e á poetisa Rosalía de Castro nunha xornada que arrancará ás 12:00 na Biblioteca e Arquivo de Galicia. Haberá unha actividade paralela para os máis pequenos.

Manuel Manquiña dará lectura ao manifesto de Roberto Vidal Bolaño “Teatro do aquí” e a interpretará unha pasaxe da obra “Días sen gloria” de Vidal Bolaño, estreada neste mes de abril no Salón Teatro baixo a dirección de Fefa Noia.

Tras o teatro, o grupo de música antiga Resonet poralle banda sonora á xornada a través dunha homenaxe a unha das nosas poetisas máis universais: Rosalía de Castro. Tomará dos cancioneiros musicais populares as melodías e ritmos das cantigas nas que se inspirou Rosalía e, dun modo subxectivo, poranlle música a algunhas das poesías máis representativas dos Cantares Gallegos como Has de Cantar, Campanas de Bastabales, Adios ríos, adios fontes ou Airiños, airiños aires.

 De balde previa inscrición en www.cidadedacultura.org